Ансамбль скрыпачоў “Tutti” заснаваны ў 1959 годзе, першымі кіраўнікамі былі Скубская Р.А. і Сарапулава Р.М.

З 1995 года кіравала ансамблем скрыпачоў Кулакова Ірына Мікалаеўна. У 2001 годзе ансамблю скрыпачоў было прысвоена званне “ўзорны”.

З 2012 года кіраўніком калектыву стала Жыгалка Ірына Уладзіміраўна, якая пашырыла склад калектыву, змяніла рэпертуар.

Вялікае значэнне ў калектыве надаецца развіццю ў дзяцей навыкаў калектыўнага музіцыравання, працы над культурай гуку, чысцінёй інтанацыі, сцэнічнымі паводзінамі. Прафесійна будуючы працу над усімі кампанентамі ансамблевай гульні, вялікая ўвага ў калектыве надаецца выкананню твораў рускай, замежнай класікі, беларускіх кампазітараў, твораў розных стыляў і жанраў.

Штогод узорны ансамбль скрыпачоў “Tutti” актыўна прымае ўдзел у справаздачных канцэртах школы, мерапрыемствах і канцэртах горада і раёна, аглядах, паспяхова ўдзельнічае ў конкурсах і фестывалях розных узроўняў, не аднаразова станавіўся пераможцам абласных конкурсаў. ансамбляў.

2021 г.

Лаўрэат II ступені XXVII адкрытага абласнога фестывалю-конкурсу юных музыкаў «Сымон-музыка» (г. Стоўбцы)

2022 г.

Лаўрэат I ступені ІІІ Міжнароднага разнажанравага конкурсу “LETOSTAR in Georgia-2022” (г. Тбілісі, Грузія)

Гран-Пры V Міжнароднага конкурсу выканальніцкіх відаў мастацтваў “Сябры-2022” (г. Мінск)

2023 г.

Лаўрэат ІІ ступені VІІ адкрытага Рэспубліканскага конкурсу музычнага мастацтва Беларусі “Спадчына” (г. Заслаўе)

Лаўрэат II ступені Абласнога конкурсу ансамбляў (г. Мар’іна Горка)

2024 г.

Дыплом лаўрэата II ступені I Міжнароднага (VI Адкрытага абласнога) конкурсу ансамблевага і аркестравага выканальніцтва “Крыніца натхнення” (г.Мінск)